لقد أهتم العرب بالأمثال الشعبية منذ القدم وتوارثتها الأجيال جيل بعد جيل، ونجد أن الأمثال تعكس عادات وثقافات وتقاليد الشعوب على اختلاف طبقاتها، حيث تجد لكل موقف من مواقف حياتهم مثل يستشهد به، فهي بذلك عصارة حكمة الشعوب وذاكرتها. وفي هذا المقال جمعنا لكم أجمل الحكم والأمثال الشعبية السودانية.
الأمثال الشعبية السودانية
الأمثال الشعبية السودانية هي جزء من التراث الثقافي السوداني العريق، وهي عبارة عن عبارات قصيرة بليغة، تعبر عن حكم وتجارب الحياة.
تتميز الأمثال السودانية بتنوعها وتعددها، وتتناول مختلف جوانب الحياة، من الحياة الاجتماعية والسياسية والاقتصادية إلى الحياة الشخصية والأخلاقية.
تتكون الأمثال السودانية عادة من جملة واحدة أو جملتين، وتكون قصيرة وسهلة الحفظ، مما يسهل تداولها بين الناس. كما أنها تتميز بأسلوبها البسيط والعفوي، مما يجعلها قريبة من قلوب الناس.
مقولات شعبية سودانية
- اتغدى واتمدى وأتعشى وأتمشى.
- قديمك لا تجافي كان بقي عوداي بدفيك.
- لالوب بلدنا ولا تمر الناس.
- إن غلبك سدها وسع قدها.
- تفتش للغريق تلقي المطفح فات.
- بركة الكلام في قلته.
- يوم عسل ويوم بصل.
- الما عندو تيلة يسوي الحد حيلة.
- أكل يا كمي قبل فمي.
- وقوع البلا ولا انتظارو.
- أخوك لو بقى عسل ما تلحسو كلو.
- اهلك كان اكلو لحمك ما بكسرو عظمك.
- أقول تيس تقولو احلبوهو.
- الحسنه معطت شعر الأسد.
- في الوش حبايب وفي القفا دبايب.
- جراده في الكف ولا ألف طايره.
- يكتل الكتيل ويمشي في جنازته.
- الشين شين كان غسل وشو مرتين.
- الدين لو درهمين يسود الخدين.
- العينوا في راسو بعرف خلاصو.
- الثور أكان وقع بتكتر سكاكينه.
- المطر وكتين ينزل ما بشاور بيوت الطين.
- الجمرة تحرق الواطيها.
- الباب البجيب الريح سدو واستريح.
اقرأ أيضًا: حكم وأمثال شعبية تونسية.
أمثال سودانية قديمة
- أهلك قبال تهلك.
- الزائد عن حدو بيقلب ضدو.
- كل ديك في بلدو عوعاي.
- لو ما عندك حيلة اعمل تيلة.
- الما شفتو في بيت ابوك بخلعك، والما شاف البحر تخلعو الترعة
- الواضح ما فاضح.
- مد رجليك قدر لحافك.
- ابن ادم من طين يعكر ويصفى.
- دوام الحال من المحال.
- حاميها حراميها.
- السمح سمح كان زرعوا يقوم قمح.
- الايدو في النار ما زي الايدو في المويه.
- ناس القبور وقفوا طابور.
- المال تلتو ولا كتلتو.
- طول النخلة وعقل السخله.
- ولد الفار حفار.
- ديكي ولا جمل أبوي.
- القرصو الدبيب يخاف من جر الحبل.
- الخلا ولا الرفيق الفسل.
- العتره بتصلح المشيه.
- عيب الزاد ولا عيب سيدو.
- الخيروه حيروه.
- الخيل تجقلب والشكر لحماد.
- أبوك أمير وأبوي أمير مين بسوق الحمير.
- جارك القريب ولا ود أمك البعيد.
- العود لو ما فيهو شق ما بقول طق.
- الواقعة من السماء بتتلقاها الواطا.
- اسمع كلام الكبير ولو كان عوير.
- طيرة في اليد اخير من عشرة على الشجرة.
- الجمل ما بشوف عوجه رقبتو.
- الفال تحت اللسان.
- العارف عزو مستريح.
- السترة والفضيحة متباريات.
- نام ابو شنب لعب ابو ضنب.
- جناك كان كبر خاويه.
اقرأ أيضًا: حكم وأمثال شعبية جزائرية.
أمثال سودانية شبابية
- الوش البتصابحو لا تقابحو.
- مساعد الياي عمرو ما يبقى ياي.
- الدنيا فرندقس تزرع فول يطلع عدس.
- جلد ما جلدك جر فيه الشوك.
- دقسة المفتح جريمة.
- من لا يملك قوته لا يملك قراره.
- الما عندو روزا يشيلا موزا.
- جبل الكحل هدنو المراويد.
- الما عندو كبير يشتري ليهو كبير.
- الداير فاطمة يشوف محمد في السوق.
- التسوِّي كريت في القرض تلقاهو في جلدها.
- دنيا دبنقا دردقي بشيش.
- المقسومه ما بتنفات والمكتوبه ياها الجات.
- بجي الخريف واللواري بتقيف.
- الما عندو واسطة يأكل باسطة.
- الجامعة بدون مدير كالسلطة بدون جرجير.
- اذا عرسو خطيبتك يبقي العيب في نسيبتك.
- ساقيه جحا تشيل من البحر وتودي البحر.
- الجاري من عمايلو ما بتلفت لي ورا.
- الما عندو ضهر بنجلد في بطنو.
- ما بتعرف البيكانتو يا ود البورت.
- شجرة النيم ضلها مر.
- الرقشه مابتحل من الطقشة.
- الدايه ما بتقدر تولد نفسها.
- القعاد مع الخواجات مابغير اللون.
- الغلبتو مرتو ما أدب حماتو.
- لابتوب أهلنا ولا مقاهي الناس.
- يابخت شريحيتن في موبايل بالحلال.
- إن كترت عليك الهدوم الغسالات بالكوم.
اقرأ أيضًا: حكم وأمثال شعبية عُمانية.
أمثال شعبية سودانية عن المرأة
- بال المطلقة في الرجوع.
- المرة بدقوها بأختها.
- النعال أم قديد ولا المرا أم وليد.
- هبلة ومسكوها طبلة.
- تهضرب الماعندها دقيق. يضرب هذا المثل للمرأة التي يأتيها ضيف فتشفق وتهم لإكرامه لنقص الزاد في بيتها.
- جدادة بره طردت جدادة جوة.
- ما بعرف رطني الاجنى بطني.
- المرة إن بقت فاس ما بتقطع بتشق الراس.
- أضان الحامل طرشة.
- ثلاثة ما ترفع منهم العصا؛ النقارة والمرة والحمارة.
- بت الجيران ما بتشاف جمالها إلا بعد العرس.
أمثال شعبية سودانية عن العمل
- لو جريت جرى الوحوش غير رزقك ما بتحوش.
- اكتر شيء هين غسيل الماعون هو لين.
- القرش الأبيض لليوم الأسود.
- كل فولة ليها كيّال. يضرب هذا المثل للشخص الذي يتقن عمله.
- صاحب بالين كذاب.
- التسوي بي ايدك يغلب اجاويدك.
- رزقا تكوسو ورزقا يكوسك.
- لا بتجدع ولا بتجيب الحجار. يضرب هذا المثل للشخص الذي ليس له أي دور في العمل مع الجماعة.
أمثال سودانية مضحكة
- نكورك ليكم ما تجونا ونجيكم تكوركو.
- الحمار ولد استراح.
- بيت الجدري ولا بيت النقري.
- باكر فيها المناكر.
- باب النجار مخلع.
- بكرة الموز بجيبك يا قرد.
- يأكل أكل السوسة والعافية مدسوسة.
- تكاكي عندنا وتبيض برا.
- حواء تكوس لأدم وأدم يكوس لحواء.
- نملة وشايلة ليها قملة.
- تمر الفكي شايلو ومشتهي.
- العنده قرش محيره يشتري الحمام ويطيره.
أمثال شعبية سودانية ومعانيها
- بليلة مباشر ولا ضبيحة مكاشر.
- بمعنى تقديم طعام حتى لو كان بسيط (بليلة) من شخص وهو بشوش, هو خير من تقديم ضبيحة (ذبيحة) لحم من شخص عبوس الوجه.
- عيب الزاد ولا عيب سيدو.
- ليس من العيب ان لا يكون المسكن أو الطعام رائعا. ولكن العيب ان يكون صاحب الدار سيئا.
- بحرا ما فيهو تمساح يقدل فيهو الورل.
- يعني المثل: أن الصغار يتطاولون و ينفشون ريشهم في غياب الكبار.
- بخيت شكروه قال داك شهر تاني.
- قصة المثل: رجل يدعى بخيت في مكان ما رأى هلال رمضان في جماعة وأراهم اياه، فعندما شكره الناس وشهدوا له بقوة الأبصار قال لهم داك شهر تاني!
- جرداي في سروال ولا بعضي إلا قعادو صعب.
- يعني المثل: الجراد في السروال ما بتعضى، لكن أذا أردت الجلوس فهي تزعجك.
- الما دارك ما خربشك.
- يعني المثل: أن الذي يعاتبك يعاتبك لأنه أفتقدك وأفتقد مشاركتك له لذا عاتبك ولو لم تكن تعني شيئا بالنسبة له لما بادر بلومك علي تقصيرك تجاهه فإذا جاء أسلوب اللوم لاذعا عليك أن تسامح وتصفح.
- مفطوم اللبن ما بسكتو اللولاي.
- يضرب هذا المثل للشخص الذي يتأثر بفقدان شيء اعتاد عليه.
- أب سنينة يضحك على أب سنينتين.
- السنينة تصغير سن، يضرب لمن يتطاول أو يتفاخر على من هو أفضل منه، أو يعيب من هو أقل عيبا منه.
- يا زبيدة لا تموعي.
- يقصد الزبد بالزبيدة، ولا تموعي بمعني لا تسيلي، أو لا تسيحي، ويضرب المثل للشخص الذي يترجاه الناس لشيء ما ويحاول مرارا فعل عكس الشيء.
- درب السلامه للحول قريب.
- أي أن الدرب حتى لو كان طويلاً لكن فيه سلامة وعافية أفضل من الدرب القصير الذي فيه مخاطرة.
- الغلبها راجلها تأدب حماها.
- يضرب هذا المثل لمن يعاتب البسطاء ويخشى مواجهة الأقوياء.
- الما بتلحقو جدعو.
- بمعنى: شاب ناجح، هنالك من يغار منه ويحسده، ولما لم يصل إلى ما وصل إليه ذلك الشاب من نجاح، أصبح يرميه من الكلام وينعته بما ليس فيه حسدا وحقدا منه لأنه لم يصل إلى ما وصل إليه ذلك الشاب.
- ما تسوي للهنابر قنابر وأب قنفوة مناخر.
- معنى هذا المثل أن لا تستجدي شخص وضيعاً كي لا يتعالى عليك.
- كان هز أكتافو الناس تخافو.
- المثل يصف حال شخص قوي عندما يتأهب للمواجهة يرهب من يعاديه أو من يعادي أولئك الذين يعتمدون عليه في الدفاع عنهم.
- خم أصر.
- يضرب توبيخا لمن طمع فيما لا مطمع فيه أو أمل بعيد التحقيق.
- خُت الخمسه في الإتنين.
- يعني المثل: طلب السكوت وعدم التحدث والخمسة يعني بها أصابع اليد، والاثنين هي الشفاه؛ فعندما تضع أصابعك الخمسة علي شفاهك الاثنين فلن يخرج لك صوت.
- اللم الما بتنهر واللبو الما بقهر.
- اللم: الأم، اللبو: الأب، المثل يذم والدي الطفل الذي لم ينشئ تنشئة جيدة مما يجعله يقع في الأخطاء والسلوك المشين من غير رادع ولا وازع.
- بيت الشورى ما خرب.
- يضرب هذا المثل للحث على أخذ رأى الآخرين فهو أنفع.
- الجمل ما بشوف عوجة رقبته.
- يضرب هذا المثل لمن يعيب الناس ولا يرى ما فيه.
- البرقص ما بغطي دقنه.
- معنى هذا المثل أن الإنسان يجب أن يقدم على ما يريد دون تردد.
- يا حافر حفيرة السوء وسع مراقدك فيها.
- مثل يضرب لمن يعمل أفعال يضر بها غيره من الناس، ويقصد به ان الشر يعود لصاحبه.
- ضُل الدليب البرمي بعيد.
- يضرب المثل لمن خيرة يصل إلى جميع الناس ماعدا أهله، زي شجرة الدليب بتكون مزروعة في البيت وضلها في بيت الجيران. الدليب: نوع من أنواع شجر النخيل.
أمثال شعبية سودانية منوعة
- أبو القدح بعرف مكان يعضي اخيو.
- الإضينة دقو واعتذر ليه.
- إن جاتك في مالك سامحتك وان جاتك في نفسك بكتك.
- أرع بقيدك.
- لبن محلوب في ماعون دم.
- الحلفك كتلك والشكاك عاداك.
- البتقدر على ديتو اكتلو.
- الجاياك ما بتختاك.
- اكان شالتك خير وإن ختتك خيرين.
- مرمى الله ما بترفع.
- المديدة حرقتني.
- الشينة منكورة.
- محل الرهيفة تنقد.
- حاله تقرف الليمون.
- الما يهدي الكريم تعبان.
- مفطوم اللبن ما بسكتو اللولاي.
- تسوي كريت تلقاهو في جلدها.
- الخوف فكة جبارة.
- الشوكه بسلوها بى دربها.
- فلان ما بطلع ليهو قوزا اخضر.
- الما عندو لسان فقري وفلسان.
- قدم السبت تلقى الاحد.
- من دقنه وافتل له.
- سجمان ورمدان.
- الغاشي مغشوش.
- حرب الحراز للمطر.
- الكتوف إتلاحقت.
- جادع الكلب بارك.
- اب قنيفد بلا شوك ولافي.
- سمحة البتعرف.
- الكحل ما بنفع في العين الحجر.
- أب منقود لو ما قيس ما ليس.
- العندو الحنة يحنن ضنب حمارو.
- جلدا ما جلدك جر فيهو الشوك.
- الما عندها بنيه مدفونه وهى حيه.
- السن بتضاحك نديده.
- من دقيقي الموت احسن.
- الشقى يلقى العظم في المرارة.
- يهدوها من الكواسه تبيت بره البيت.
- حظ الكيشه أن وقع من السما الاقي الأرض ما فيشه.
- البحر بشيل عوامو.
- الدق صدروا شيطانو قدرو.
- خت الخمسة فوق الاثنين.
- الكلمة الطيبة بتمرق الدابى من بيتو.
- ولدا ما ولدتو من عرقوبك إن عميت ما بيقودك.
- الما شاف البحر.. تخلعوا الترعة
- تعيس الحظ يلاقي العضمه في الفشفاش.
- دخانكم يدخن وجوعكم يمحن.
- ارجى سفيه ما ترجى باطل.
- عرس أبو الدرداق للقمرة.
- دنيا دبنقا دردقي بشيش.
- والما بتلوكو بلعوا.
- القلم ما بزيل بلم.
- ﺧﺮﺑﺎﻧﺔ ﺃﻡ بناياً ﻗﺶ.
- دبيب في خشمو جرادة ولا بعضي.
- راح شمار في مرقة.
- الولادة صغرة والمشي صباح.
- يحلنا الحل بلة.
- الذوق يخلق في الاطباع لا يشترى ولا يباع.
- الراجل افجخي بصلة قبل ما يبقي اصلة.
- جني الوز عوام.
- جبل الكحل هدنّو المراويد.
- ركاب سرجين وقيع وسلاك دربين ضهيب.
- البمرق من داره قل مقداره.
حكم شعبية سودانية
- البعد ولا البلاد أم سعد.
- سمح الغناء في خشيم سيدو.
- دمع ألحن بيقيف ودمع النفع سريف.
- الحسنة في المنعول زي الشرا في القندول.
- اطرش في زفه.
- سرارة اللعوت تتلاقى يوم الموت.
- العرجه لمراحها.
- شق الديار علم.
- شن جدا في المخدة.. التنجيد ولا الكيس الجديد.
- الخواف ربى أولاده.
- الما بهدي الكريم حيران.
- الكعك العقب العيد.
- شملة كنيزر ثلاثية وقدها رباعى.
- البيرقص ما بيغطي دقنو.
- بقرة.. وقداها وتدها.
- شلاقة الورل الفيهو اربعة كرعين ويمشي على بطنو.
- خلى ريحته طير طير.
- بجى الخريف واللوارى بتقيف.
- البتفولحلك اتبوهملو.
- ضربني وبكى وسبقني وإشتكى.
- خلى خشمه ملح ملح.
- خربانه من كبارها.
- الحوت ما بهددو بالغرق.
- سيد الرايحه يفتش خشم البقرة.
- لحق اُمات طه.
- عايرة وادوها سوط.
- اثنين تدور غناهم راجل بنتك وصاحب دينك.
- البنريدو بنفرش ليهو الأرض، والما بنريدو بنحرش عليهو الكلب.
- اثنين لو قالوا ليك راسك ما في اهبشا.
- يعيشك العاش أهل سواكن.
- عينك في الفيل تطعن في ظله.
- البكرهك في الضلمه بحدير ليك.
- قصير ما ببل قرعة الخايبة.
- غلفاء وشايلة موسها تطهر.
- الابوه إت ما محتاج لخال.
- لو كترت عليك الهموم ادمدم ونوم.
- سكاتي ولا الكلام الني.
- قلبي على جناي انفطر وقلب جناي على حجر.
- أربعة لا تشبع من أربعة: عين من نظر، وأذن من خبر، وارض من مطر، وأنثى من ذكر.
- العندو الضهر ما بندق على بطنوا.
- ان جادت بخيط العنكبوت تنقاد.. وكان عاقت تقطع سلسل الحداد.
- كراع البقر جيابه.
- القفة ام اضنين بشولوها نفرين.
- كتلوك ولا جوك والحاحا حوح.
- الأسد ما كتل مرته.
- البباري الجداد بوديهو الكوشه.
- الصابر يعرس مرة راجل.
- لصيق الطين في الكرعين ما ببقى نعلين.
- كان عشقت أعشق قمر وكان سرقتا أسرق جمل.
- اصله مارق في الربا والتلاف.
- الزارعة الله في الحجر بتقوم.
- كان غلبك سدها وسع قدها.
- اسمك خصمك يا علمك الدغالة يا علمك الهبالة.
الأقسام:
أمثال شعبية