الأمثال السورية: تراثٌ حيّ
تعتبر الأمثال والحكم الشعبية السورية مرآة عاكسة لتاريخ وحضارة هذا البلد العريق، فهي تحمل في طياتها حكمة الأجداد وقيم المجتمع السوري الأصيل. هذه الأمثال ليست مجرد عبارات جميلة، بل هي جزء لا يتجزأ من الهوية السورية، فهي تعكس قيم المجتمع السوري وعاداته وتقاليده. تتناول هذه الأمثال مواضيع متنوعة مثل العائلة والحب والزواج والعمل والصداقة والحياة اليومية. تتميز هذه الأمثال ببساطتها وعمقها، وبقدرتها على توصيل المعنى بطريقة ساخرة أو مجازية أحياناً.
أمثال شعبية سورية قديمة
- مثل الحية من تحت التبن.
- على هامان يا فرعون.
- الحكي الك يا كنة اسمعي يا جارة.
- أول المزاح فرح واخرتو ترح.
- إن خفت لا تقول وإن قلت لا تخاف.
- الفاجر بياكل مال التاجر.
- اسأل مجرب ولا تسأل حكيم
- الدهر يوم الك ويوم عليك.
- إذا في خير، ما كان تركه الطير.
- يا غريب كن أديب.
- بيت السبع ما بيخلا من العظام.
- حبل الكذب قصير.
- متل البير ماله قرار.
- إيد وحدة ما بتزقِّف.
- يا غالب يا مغلوب.
- الجار قبل الدار.
- إذا كان بدك تستريح شو ما شفت قول منيح.
- إذا ما بتستحي عميل ما حلالك.
- الصبي ما أحلى بشارته ولو مات بساعته.
- يهود خيبر، ولا أسلام جوُبرَ.
- مو كل مرة بتسلم الجرة.
- على حظك يا حزينة سكرت المدينة.
- ألف عيبة في الرأس ولا عيبة في الأساس.
- صاحبك عند الضيقة بتعرفو.
- إذا بدك تحيرو خيرو.
- القط ما بيحب غير خناقه.
- طب الجرة على تمها بتطلع البني لأمها.
- الضيف المنظوم بيشرب القهوة وبيقوم.
- الغريق بيتعلق بقشة.
- وردة بتخلف شوكة.
- إذا كان جارك بخير بيجيك من خيرو خير.
- ابنك لا تعلمو الدهر بيعلموا.
- البيت بيت أبونا والناس بيسبونا.
- العين ما بتعلا عالحاجب.
- الدلو بيشرب والحبل بينتفخ.
- لا تدخل بيت الظنان ولا تاكل خبز المنان.
- من هون شعرة ومن هون شعرة تعمل دقن.
- نام بكير وفيق بكير وشوف الصحة كيف بتصير.
- السعد لما بيجي بيكسر الباب.
- ضربني وبك سبقني واشتكى.
- اهلك لو تهلك ولو رموك عالمهلك.
- وقت كبر وشاب أخدوه عالكتاب.
- أم علي بتزرع وابو علي بيقلع.
- يا رايح كتر ملايح.
- الحية إذا جاعت بتعض بطنها.
- الدابة السريعة والمرا المطيعة والدار الوسيعة.
- ألف عدو برا الدار ولا عدو جوا الدار
- اللي بيغير عادتو بتقل سعادتو.
- خود من الفجل الورق ومن اللحم المرق.
- دخانك عمانا وطعامك ما جانا
- لسان البنت متل شعرها كل فترة بدو قص.
اقرأ أيضًا: حكم وأمثال شعبية أردنية ومعانيها.
أمثال شعبية سورية حلبية
- قال لا إذن تسمع ولا عينا ترى.
- صاحب الحق سلطان.
- مو كل من صف الصواني صار حلواني.
- المصري جوابو بتمو والحلبي بكمو والشامي عند أمو.
- بكرة بيدوب التلج وبيبان المرج.
- الولد إذا طلع لعمو يا سعادة امو.
- السلق أخضر والناس أخبر.
- المكتوب ما منو مهروب.
- ما بقي من الكرم غير الحطب.
- وعد بلا وفا عداوة بلا سبب.
- وجوه كالحة ومي مالحة.
- القرد بعين أمه غزال.
- الدفا عفا ولو كان بعز الصيف.
- العيون السود بالقفه.. والعيون الملون بالصدفة.
- الكثرة غلبت الشجاعة.
- يا مشتغل بهم الناس همك خّليتو لمين.
- يلي فات مات.
- طعمي التم بتستحي العين.
- امشي مع السعيد بتسعد.
- ياما تحت البراقع سم ناقع.
- تغدى فيه قبل ما يتعشى فيك.
- آكل شارب من الهم هارب.
- اقتل أمير واسرق حرير حتى يحرز التعبير.
- يللي بتمو لسان ما بيضيع.
- لو شالوني من تحتو كنت قتلتو.
- إذا كبروا ولادك خاويهن.
- سلام بيجر سلام وكلام بيجر كلام.
- الخبز والماء أكل العلماء.
- دخان يعمي ولا برد يضني.
- الباب اللي بيجيك منو الريح سدو واستريح.
- اصرف ما في الجيب يأتيك ما في الغيب.
- الرجل ما بتدب غير مطرح ما بتحب.
- الضرورة الها أحكام.
- بدل الشيشة والدخان استر جسمك يا عريان.
- القرايب عقارب.
- صاحب الحق عينو قوية.
- أن أوجعك راسك أكرمه، وان أوجعك بطنك احرمه.
- يلي بيشرب البحر ما بتشردق بالساقيه.
- يللي ما بخاف الله خاف منو.
- يللي بدو يدق الباب بدو يسمع الجواب.
- هين مالك ولا تهين حالك.
- وعد الحر دين.
- يا مبدلين غزلانكم بقرود.
- يللي مالو أسطوح بينام تحت أسطوح جارو.
- يللي ما بيشوف من ورا المنخل أعمى.
- يا كترة الصحاب لما كان كرمي دبس، ويا قلة الصحاب لما صار كرمي يبس.
- يا داخل على مصر متلك الوف، ويا طالع من مصر متلك الوف.
- الفرس لفارسها والأرض لحارسها.
- لا مين عمر سكن ولا مين مون أكل.
- لا تعلم شحاد على باب دارك.
- عطي الخباز خبزو ولو سرق نصو.
- طول وعقل ما بيجتمعوا.
- طالما النصراني صايم بيضل البرد قايم.
- صباح الشيطان ولا صباح الرهبان.
- يللي بيريدك ريدو وهللي ما يريدك بالجفا زيدو.
- شو هم العبد من سواد الوجه؟
- شرارة بتحرق حارة.
- شبع كلبك بيحمي دارك، جوع هرك بياكل فارك.
- سكت دهر ونطق كفر.
- رزق الهبل عالمجانين ورزق المجانين على الله.
- راح ساقي وسماقي وما بقي غير ضيقة أخلاقي.
- دواء الدهر الصبر عليه.
- دخلنا داركم وشفنا فشاركم وعرفنا عشاكم من عشا حماركم.
- اللي ما بينفع ولا بيضر لا بيحزن ولا بيسر.
اقرأ أيضًا: حكم وأمثال شعبية سعودية.
أمثال شعبية سورية عن العمل
- شغل ساعة ولا هم سنة.
- العمر بيخلص والشغل ما بيخلص.
- أتسلف وازرع ولا تتسلف وتبلع.
- كترة الأيادي بتحرق الطبخة.
- احمل هم شيء تشتري ولا تحمل هم شيء تبيع.
- مطرح ما ترزق الزق.
- اللي بقلل عقلو بتتعب رجليه.
- خبي قرشك الأبيض ليومك الأسود.
- قرقعة وخشيش وطحين ما فيش.
- اشتري وبيع ولا تخلي اسمك يضيع.
- هين فلسك ولا تهين نفسك.
- لا تقول فول ليصير بالمكيول.
- عيش يا كديش لينبت الحشيش.
- آخر الطحن قرقعة.
- الدجاجة هللي بتقاقي ما بتبيض.
- الشمس طالعة والناس قاشعة.
- إذا شمينا ريحة أيدينا بترجع روحنا إلينا.
- شرط بالحقلة ولا خناقة عالبيدر.
- ضروب الحديد وهو حامي.
- قطع الأعناق ولا قطع الأرزاق.
- الخبزة المبلولة دوا المعلولة.
- شغل ساعة ولا هم سنة.
- شغل مصر من الصبح للعصر.
- معك قرش بتسوى قرش ما معك قرش ما بتسوى ولا قرش.
اقرأ أيضًا: حكم وأمثال شعبية سودانية.
أمثال شعبية سورية مضحكة
- راح الناس وبقي النسناس.
- بيعمل على الحبة قبة وعلى الزبيبة خمارة.
- بطن ملان كيف تمام.
- الدبانة بتعرف دقن الحلواني.
- إذا غلي اللحم الصبر رخيص.
- الموت بياخد المنيح وبيخلي الخرى.
- متل حيا القملة برأس الأقرع.
- السكافي حافي والحايك عريان.
- المصري جوابو بتمو والحلبي بكمو والشامي عند أمو.
- خود صد وعطي رد.
- بعرة مقسومة بشعرة.
- قعود أعوج بس احكي دغري.
- ست وجاريتين على قلي بيضتين.
- كوم فيران ولا هالجيران.
- حطو المرا وإبليس بالكيس طلع إبليس من الكيس عم يستغيث.
- علمناهم الشحادة, سبقونا على البواب.
- كل ديك على مزبلتو صياح.
- من معرفتو بالصحابة ترضّى على عنتر.
- جوزت بنتي لأرتاح من بلاها رجعت لعندي وأربعة وراها.
- عند البطون ضاعت العقول.
- لا وش حلو ولا طيز ناعمة.
- متل الكردي راسو يابس.
- راح الفلاح على المدينة ما استحلى غير الدبس بطحينة.
- اتفق القط والفار على خراب الدار.
- كلب أبيض وكلب أسود والإتنين أولاد كلب.
- لا تركب حمارة وصاحبها بالحارة.
- الكوع كوع لو ضلت تتمكيج أسبوع.
- المنحوس منحوس ولو علقوا على ضهرو فانوس.
- الحارة ضيقة والحمار رفاس.
- البنت المليحة خير من الصبي الفضيحة.
- هللي بيعمل حالو حمار بتركبه الناس.
- طلع الولد لخاله يا زين أفعاله.. وإن طلع لعمه.. سبوه هو وأمه.
- البرد والقلة سبب كل علة.
- الشرنه شرنة، لو حطت كحلة وحنة.
- أرخص من الفجل.
- كلب داشر ولا سبع مربوط
- ما حدا بيربي حية بعبو.
- هالخد تعود عاللطم.
- من بره رخام ومن جوه سخام.
- شكلها شكل القردة وشاكلة براسها وردة.
- ما في شيء ببلاش غير العمى والطراش.
- كيد النسا مين قدو لو مال عالحيط بهده.
- موت الدواب غنيمة للكلاب.
- متل الحرباية بالوش مراية وبالقفا صرماية.
- مين بيفضح بيت الكبير غير الكنة والأجير؟
- بعد ما كانت خادمة صارت في البيت حاكمة.
- وجه المقت الله لا يسعد له وقت.
- قللو اليوم مرقني وبكرة غرقني.
- قرعة ومشطها نص ذراع.
- الفلاح إذا تدمشق متل الكلب إذا تعمشق.
- مطرح ما بتبيض روح قاقي.
- اكل شارب عالحمار راكب.
- قللو شو أطيب من العسل قللو الخل ببلاش.
- الخنفسة شافت بنتها على الحيط قالتلها تقبريني متل اللولية بالخيط.
- وحدة نفسة والتانية عروس وما بنعرف مين بدو يحوس.
- صار للشوحة مرجوحة ولأبو بريص قبقاب.
- إن قامت بتبين وإن قعدت بتزيّن.
- لولا علبة مكي كانت الحالة بتبكي.
- خبي العسل بجرارو حتى تغلى أسعارو.
أمثال شعبية سورية عن الزواج
- الضرة مرة.
- الحلوة ما بيحوشها إلا هللي معو قروشها.
- إذا بدك تصاهره لا تقاهره.
- إذا بدك يكبر همك خود واحدة قد أمك.
- أبوها راضي وأنا راضي وأنت مالك يا قاضي.
- الطريق ولو دارت، وبنت العم ولو بارت.
- أول سنة عروس تاني سنة جاسوس تالت سنة حية بسبع روس.
- أسعى بجنازة، ولا تسعى بجوازه.
- العروس بعقلها وقلة أكلها.
- أعزب دهر ولا أرمل شهر.
- يلي جوزها معها، بتحرك القمر بإصبعها.
- لابد مايجي يوم والحزينة تصفق بعرس جارتا.
- هللي ما بيقدر على حماتو بيندار لمراتو.
- الفلوس بتجيب العروس.
- لكل قمحة مسوسة كيال أعور.
- ورجي جوزك دمعتك ولا تورجيه لقمتك.
- العروس للعريس .. والجري للمتاعيس.
- المونة بدها ركونة ما بدها مرة مجنونة.
- لابق للشوحة مرجوحة ولأبو بريص قبقاب.
- جوزت بنتي لأرتاح من بلاها رجعت لعندي وأربعة وراها.
- خذ الزرايب ولا تاخذ من القرايب.
- مكتوب عباب الجنة بعمرا حماية ما بتحب كنة.
- الحماية ما بتحب الكنة ولو كانت حورية من الجنة.
- بتقول لبنتا قربي من جوزك دفيه، ولكنتا ولك يبعتلك حمى بعدي عن ابني خنقتيه.
- مين دلل حماته كسب حياته.
- دلّل حماتك وكساب ودها أحسن ما تفتحلك طاقة ما تقدر تسدها.
- يا أم قمباز مرقّع صرلك بيت ومربع، وكنتي تمشي حفيانة صار اسمك ست فلانة.
أمثال شعبية سورية عن الحب
- من قلة الأحباب زارتنا الكلاب.
- إذا كان حبيبك عسل لا تلحسه كله.
- راح العاشق واجا المشتاق.
- إن عشقت اعشق قمر وإن سرقت اسرق جمل.
- ضرب الحبيب زبيب ولو كان حجر صوان.
- عشيقك لا تاخديه.. وطليقك لا ترديه.
- قلب حب ما بغض.
- الحب مطب والعاشق أعمى.
- اللي تعشق من وراء أهلها تضيع شرفها ومهرها.
أمثال سورية من باب الحارة
- لا بيسلي ولا بيحلي.
- لعب الفار بعبو.
- سكر دارك ولا تتهم جارك.
- اللي عقلو براسو بيعرف خلاصو.
- طريق يسد ما يرد.
- ساعة الك وساعة لربك.
- الغايب حجتو معو.
- اللي ما عندو كبير بيشتري كبير.
- ايد واحدة ما بتصفق.
- قال يا قاعدين يكفيكم شر الجايين.
- الزايد أخو الناقص.
- كلمة تحنن وكلمة تجنن.
- أهلك هللي اشتروك ولا أهلك هللي باعوك.
- أكبر منك بيوم أعرف منك بسنة.
- إجا ليكحلها قام عماها.
- اسأل مجرب ولا تسأل حكيم
- البدوي لو تمدن مثل الجحش لو تكدن.
- بيت السبع ما بيخلا من العظام.
- طلع من المولد بلا حمص.
- متل البير ماله قرار.
- يا غريب كن أديب.
- مين خلف ما مات.
- الداخل مفقود والطالع مولود.
- يعوم على شبر ماء.
- فلو طلعت البنت عالمريخ آخرتا عالطبيخ.
- المنحوس منحوس ولو علقوا على ضهرو فانوس.
- الرجال غايبة والنسوان سايبة.
- هم البنات للممات.
- أنت أمير وأنا أمير ومين بدو يسوق الحمير؟
- ابن الحرام بيساويها وابن الحلال بيوقع فيها.
- الحبس للرجال والبكي للنسوان.
- صباح إبليس ولا صباح القسيس.
- كلمة بتاخدو وكلمة بتجيبو.
- عذر أقبح من ذنب.
- عصفور بالإيد ولا عشرة عالشجرة.
- كثرة الشد بترخي.
- كل الطرق بتودي للطاحون.
- أنا وأخي على ابن عمي وأنا وابن عمي على الغريب.
- لا معلقة ولا مطلقة.
- ما بيحك جلدك متل ضفرك.
- كوم حجار ولا هالجار.
- يللي أولتو شرط اخرتو سلامة.
- كل ديك على مزبلتو صياح.
- هللي ما بيشبع عند أهلو ما بيشبع عند الناس.
- هللي بيسرق البيضة بيسرق الجمل.
- إن كرهت جارك غير باب دارك.
- هللي بدو يسكر ما بدو يعد اقداح.
- مين شهد للعروس.. أمها وخالتها.. وعشره من حارتها.
- من تحت الدلف لتحت المزراب.
- إن بزقنا لتحت على لحيتنا وإن بزقنا لفوق على شواربنا.
- كل حادث وإلو حديث.
أمثال شعبية سورية قالت ستي
- اللسان الحلو بيطلع الحيه من وكرها.
- حكى بدري وشرح صدري.
- برد هواها قرب شتاها.
- إصبعتي مني ولو انقطعت، وعيني مني ولو انقلعت.
- الكلمة الحلوة طالعة والكلمة البشعه طالعة.
- حبل الكذب قصير.
- لا تشرب من بير وترمي فيه حجر.
- لا يموت الديب ولا يفنى الغنم.
- وجع ساعة ولا كل ساعة.
- مو كل مرة بتسلم الجرة.
- لا تجازي لك رب يجازي.
- قلبك فاضي وعيشك راضي.
- إذا غاب القط لعب الفار.
- إذا ما عندك كبير حط حجر كبير ببيتك.
- الدارس غلب الفارس.
- الصبر مفتاح الفرج.
- لما إجا الديب عالغنم راح الكلب يشخ.
- جدي لعب بعقل تيس.
- قال يا مامنة بالرجال متل المي بالغربال.
- الديك الفصيح من البيضة بيصيح.
- كل قمحة مسوسة الها كيال أعور.
- ما بين السابق والمسبوق دقة خازوق.
- نشفت البير وبان حصاها.
- ناس بتاكل دجاج وناس بتوقع بالسياج.
- هللي ما بيعرفك بيجهلك.
- يا أرض اشتدي ما حدا قدي.
- ما بيفهم الطيخ من البطيخ.
- يا مسترخص اللحم عند المرق بتندم.
- كوم فيران ولا هالجيران.
- يللي عند أهلو على مهلو.
- ياما تحت السواهي دواهي.
- يحب الرفعة ولو على الخازوق.
- حسابات السَّرايا لا تطبق على حسابات القرايا.
- اللي مكتوب عالجبين لازم تشوفو العين.
- أم القاتل بتنسى أم المقتول ما بتنسى.
- ضعيف وبياكل مية رغيف.
- عيش كتير بتشوف كتير.
- غسالة البطون أحلى منه ما بيكون.
- كبر القمر ودور.. ونسي الزمان الأول.
- قولي بيضا واسكتي وقولي سمرا ووصفي.
- أم البنت مسنودة بخيط، وأم الولد مسنودة بحيط.
- مطبل بالدنيا ومزمر بالآخرة.
- كل الجمال بتعارك ما عدا جملنا بارك.
- لا تاخد صاحب إلا بعد قتلة.
- ما عنده لا عافطة ولا نافطة.
- ما بتعرف خيروا لتجرب غيره.
- العين بصيرة والإيد قصيرة.
- الضحك من غير سبب من قلة الأدب.
- الست بدها جارية والجارية بدها ست.
- الحية ما بيقتلها سمها.
- الجار جار ولو جار.
- إذا مات أبوه على المراتب حطوه.. وإذا ماتت أمه على المزابل ودوه.
- حضرط لا بيحلّ ولا بيربط.
- الحلوه حلوه ولو فاقت من النوم، والبشعه بشعه ولو حطت ميت لون.
- القصه مو قصه رمانه، قصة قلوب مليانه.
ختامًا: الأمثال والحكم الشعبية السورية هي جزء لا يتجزأ من الهوية الثقافية للشعب السوري. إنها كنوز لغوية تحمل في طياتها حكمة الأجداد وتجاربهم الحياتية. من خلال دراسة هذه الأمثال، يمكننا أن نكتسب فهماً أعمق للثقافة السورية وتقاليدها، وأن نستفيد من الحكمة التي تحملها هذه الأمثال في حياتنا اليومية. إن الحفاظ على هذه الأمثال ونقلها للأجيال القادمة هو واجب وطني وثقافي.
الأقسام:
أمثال شعبية