حكم وأمثال شعبية ليبية

إعلان

• حكم وأمثال شعبية ليبية
• أمثال شعبية ليبية قديمة
• مقولات شعبية ليبية
• أمثال شعبية ليبية ومعانيها
• أمثال شعبية ليبية عن المرأة
• أمثال شعبية ليبية عن الرجال
• أمثال شعبية ليبية مضحكة

الأمثال الشعبية الليبية تعد جزءًا أصيلًا من التراث الثقافي الليبي، حيث تعكس حكم وتجارب الأجيال المتعاقبة وتوثق القيم والعادات المتجذرة في المجتمع الليبي. تتسم هذه الأمثال بالبساطة والبلاغة، وتمثل وسيلة تعبيرية قوية لنقل الأفكار والقيم المجتمعية بشكل مباشر وسلس. إنها كنز من الحكمة والمعرفة المتوارثة عبر الأجيال، تحمل في طياتها دروسًا قيمة في الحياة والأخلاق والقيم الاجتماعية.

في الحياة اليومية، يستخدم الليبيون الأمثال لتقديم النصح، والتعليق على المواقف، أو توجيه الناس في التعامل مع الحياة بتحدياتها وأفراحها. وتأتي هذه الأمثال غالباً مشحونة بروح الفكاهة، والحكمة، والدروس الأخلاقية المستمدة من البيئة المحلية، مما يجعلها مرآةً تعكس روح المجتمع الليبي وهويته الثقافية الفريدة.

حكم وأمثال شعبية ليبية

• كل جرح يبرا إلا جرحك يا لسان.
• اشبعلي ونشبعلك يا طاجين الحوت.
• الزير المليان ما يرنش.
• ارحت وطبقت رقعها.
• شكارة العروس أمها وخالتها وعشرة من قبيلتها.
• أعطي لبنتك الزين والبهي، والزقاطة ايعلموها لها النسي.
• جبة راجلنا ولا الطلبة.
• حمل الجماعة ريش.
• الدنيا راك عليها ضيف، اقعد فيها ياحي نظيف.
• سيبها بالعين وقصها بالجره.
• اللي عنده البارات يعوم سواء ظالم والا مظلوم.
• اشكون يعطي سعده لاخته.
• اللي يقول الحق راسه ينشق.
• ضيف ليله ما توريه فقرك.
• المليان ما ينقص.
• اقطع الرأس، ييبسن لعروق.
• الغالي سعره فيه.
• مانك بوي إلا بأمي
• اللي يقول كلام يرعاه.
• درتها بايديك حلها بسنونك.
• لقمة اليتيم معبره.
• نلحس مسني ونبات متهني.
• الدلاعة ما تكبر إلا في عشبتها.
• كول وتبنن قبل ما تضنى وتكنن.
• امش صحيح لا تعتر لا تطيح.
• المكتوب ما منه هروب.
• مدام ولدي حي يا سعدودي.. نوار قبرعون فوق خدودي.
• الجدي ايعلم أمه الصياح.
• اللي ما يأكل بيده ما يشبع.
• المكابرة في الشتاء ترزي.
• ما فيش حال تدوم زي ما تمشي الضحكة تمشي الهموم.
• أملا البطن تستحي العين.
• رزق الحلال يرق وما ينقطع.
• اللي ما يسمع كلام كبيره، لا خير فيه ولا في تدبيره.
• المرسال لا ينضرب ولا ينهان.
• الليل بوديناته والنهار بعويناته.
• البذار عارف ما طالع من ايديه.
• عفسة الناقة ما تضر حوارها.
• الباب مفتوح، والرزق على الله.
• ولي ميش فيدك اتكيدك.
• يا سعد من قال أمي.. وقالت نعم وجاوباته.. تاريتها الأم جنة.. يا تعس من فارقاته.
• الفار الزرباز من سعد القطوس.
• كلام الحق وجاع.
• غايضه واسمع ما في قلبه.
• كل حد وسعده.. حتى البرم، وحدة تطبخ في السفناري، وحدة تطبخ في اللحم.
• ما تكبر في دارها إلا القرعة.
• اللي تحسبه موسى طلع فرعون.
• كل شيء دواه الصبر، إلا قلت الصبر ماليهاش دواء.
• مشيت للبحر نشكي من كبر هبالي.. حتى البحر وخر ووجعه حالي.
• عين تضحك وعين تبكي.
• يجينا قرطاس ينبت شوشة.
• قطعنا البحر يابال البحيرة.
• اللي ليك ليك يمضغك ولا يعديك.
• عريها وزريها وقلها يا شينه الصيفات.
• ان كبر ولدك خاويه.
• الضرب للمحاميد والثناء لغومة.
• أم الدلال لا تفرح ولا تحزن.
• اللي يأخذ امنا هو بونا.
• أتموت الفكرونه اوما حكت ظهرها.
• ما تعمر نين تخرب، وسيورها تصفى بعد تعكيرها.
• عاشر يا معاشر لابد من فراق.

اقرأ أيضًا: حكم وأمثال شعبية جزائرية.

أمثال شعبية ليبية قديمة

• اللي تغدى خوك تعشاك.
• تعشى وتمشى.
• في النهار اتطوف وفي الليل تغزل الصوف.
• اللي برك للستة يبرك للستين.
• تعزيك طاقيتي يا للي عباتك رايحه.
• يا داير يا لاقي.
• راقد ومتوسد تراب العتبة.. وشن ينفع التخميم بعد الكتبه.
• خيار اللباس ما ستر وخيار الماكلة ما حضر.
• دار الزوالي مليانه بالقسم على الله.
• اللي أوله شرط اعقابة سلامة.
• إلي احذاك خير ملي يالاك.
• طردها ما لحقها قلها بري معتوقه.
• كلمة أمي كيف العسل في فمي.
• تمشي الرجل وين ايحب الخاطر.
• ركبه وحاديه وشاوخه لا ينعس.
• انصح الجاهل ايعاديك.
• كل ساقطة ليها لاقطة.
• كل عتبة تنادي صاحبها.
• الصابر معاه الله.
• الفرس على راكبها.
• صقع الربيع يشيب الرضيع.
• حبة الوالدين انجوت.
• الجنازة كبيرة والميت فار.
• مادخلش لحوشك حاجه غريبة إلا الشعير والطعام، والغريب والفار ما توريلهمش باب الدار.
• أمشي يا الأول جاك التالي.
• ايش بيقول الميت قدام غساله.
• غارق والحبل قصير.
• نوريك الزنباع وين ينباع.
• اللي ايموت بوه يتوسد الركبة واللي اتموت أمه يتوسد العتبة.
• مشت للحمام جابت ما تخبر عام.
• كل حي يلبس من صندوقه.
• البحر ما يكرهش الزيادة.
• كل شاه امعلقة من كراعها.
• صامت قليل الملح ما يتعدى.. برك احدانا ناقته وتغذى.
• اللي ما يدير خير ما يجيه شر.
• اللي ما لبس قبل ما يتزوج وكلى قبل ما يضنى لا عاد يلبس ولا عاد يكل.
• هاتي يا مدره قلي يا سدره.
• اللي ما يجي مع العروس ما يجي مع أمها.
• من داريبك يا غماز الليل.
• أيدي وإيد القابله طاح المشوم أعور.
• ما يحبها شبح.. جابوهله عروس.
• الدحية ما تكسر الحيطة.
• الصيت أطول من العمر.
• كان حلالك موله العرس كول بلا غسل اليدين.
• صنت أمي تحييني ولو كان بالسم تسقيني.
• كل شيء تلقاه في السوق، كان أمك وبوك.
• اللي ما هي فيك ما تعيرك.
• نصيبك يجيك، واجلك تمشيلة.
• اللي واخذ على طعامك، وين يشبحك يجوع.
• الدقله دقله والعليق عليق.
• ما تقولوش حميدة روح لين يقول الباب زيو.
• اللي اتديره طايح المزال يجي في البال.
• يا روحي ما دونك روح.
• ولدك على ما تربيه.. وراجلك على ما تعوديه.
• لا تجاور نسيبك ولا تأمن طليبك.
• العز بعد الوالدين حرام، وكل الأهل من بعدهم جيران.
• أكبر منك بليلة يغلبك بكل حيله.
• اللي تخاصمه ما تقطعش أحبال اوصالة
• مشينا الواجد يابال الشوي.
• التمر ما يجيبنه مراسيل.
• طول العشرة تعرفك الذهب من القشرة.

اقرأ أيضًا: حكم وأمثال شعبية تونسية.

مقولات شعبية ليبية

• أخطى راسي وقص.
• الكثرة تغلب الشجاعة.
• بو البنات مرزوق.
• على وجوهها تشرب لبنها.
• صاحب بوك خير من صاحبك.
• كل إنسان وليه قسمه، واللي استعجل على غناه استعجل على فقره.
• كل قرد في عين أمه غزال.
• دير ما يدير جارك وإلا حول باب دارك.
• اللي ما يبكي خانقته العبرة.
• ليلة قبرك ما تبات برا.
• بيت ارجال ولا بيت مال.
• البطن ما تجيب اعدوا.
• المحتاج يقول للكلب يا سيدي.
• اللي يحب روحه، يقعد بروحه.
• وجه تعرفه خير من وجه ما تعرفاش.
• صنت أمي عليك يا خالتي.
• الحوش لبونا والناس بيطردونا.
• اللي ما يعرف بوك ينعل جدك.
• الفالحة تغزل برجل حمار.
• ما عين تعلا على حاجبها.
• اليد قصيرة والعين بصيرة.
• البحر فيه كلب.
• قاله يا عمي عطيني بلح، قاله جاك عمك والبلح.
• من الحبيبة حتى ازبيبه.
• رقدة أهل الكهف.
• عزومه الحمار في حوش العرس.
• رفقة الثور للجمل.
• احمارك ولا جمل جارك.
• تلاقت الدرداء وأم حنك، والعوجه والمكسورة.
• المشلوحة ما اتعفن.
• اللي مات، مات على روحه.
• اللي يديرها الذيب ما يكرهها الكلب.
• عِد رجالك وارد الماء.
• تجملت النعجة بلية الخروف.
• اللي ما تحلها بيديك حلها بسنونك.
• جابت وضمت رجليها.
• ما يشكر العرس اللي شبع فيه.
• العين ما يملاها إلا التراب.
• اللي ما هي فرس بوك اتوقعك.
• هلي ما يعرف الصقر يشويه.
• اللي في القلب في القلب يا كنيسة.
• من كبر هده مات بوه قبل جده.
• زي راعي خالته هو يقول خالتي ماتخلينيش بلاش .. وهي تقول ولد اختي ما ياخدش مني.
• في ركني ويعاركني.
• عيطة وشهود على ذبيحة قنفود.
• موجعة الحبيب ما ليهاش طبيب.
• خدوها بالدين وقول عرقوبها شين.
• يا خبيزه ما تتكسري ويا مريه ما تجوعي.
• ما أحرف من الثوم إلا الكراث.
• احييني اليوم واقتلني غدوه.
• خود غولة النسيء اتجيبلك غول الرجال.
• ما يجلوا انكادها كان أولادها.
• الفم المسكر ما تخش له دبانه.
• الكلمة زي الروح لو خرجت ما عادش تولي.
• دزه بيخطبله اتجوزها.
• لم الرقعة بدقيقها.
• المدزوزه مهزوزه.
• شرط النسيب الكاره.
• فيه اللي كلمته في فمه، وفيه اللي كلمته عند أمه.

اقرأ أيضًا: حكم وأمثال شعبية سودانية.

أمثال شعبية ليبية ومعانيها

• يوفى مال الجدين وتقعد صنعة اليدين.
• يُقال هذا المثل ترغيبا للإنسان في تعلم مهنة أو اكتساب حرفة تفيده أمام تقلبات الزمن وتعاقب الأيام، عكس المال الموروث من الأجداد الذي سيفنى دون أن يجد الإنسان ما يسعفه لكسب الرزق ومجاراة الحياة.
• ارحم من زار وخفّف.
• يُقال هذا المثل في الحث على عدم الإثقال على من ينزل المرء ضيفاً عليهم، فلا يكلفهم ولا يثقل عليهم بطول المكث.
• المكابرة في الشتاء ترزي.
• يعني: خذ الحيطة والحذر، والبَس لِكُلِّ حالَةٍ لَبوسَها وما يلائِمُها.
• ماري ولا تكون حسود.
• يعني: قلدني ولا تحسدني.
• على وجهها تشرب لبنها.
• يطلق هذا المثل الشعبي على طرائق التراضي بين البائع والشاري، والمعاملة بين الغريبين، كالناقة التي يُستدل من عافيتها على نقاء حليبها.
• يطلق الطير، ويجري في جرته.
• يُقال هذا المثل في من يضيع الفرص الثمينة التي تتاح له، ولا ينتهزها.
• صاحب العلة ينخصوه مرافقه.
• يعني: ان الشخص يسوي شيء ويخبيه وبعدها يفضح روحه بنفسه.
• ما تكحل العمشة لين يفترق العرس.
• يضرب لشخص البطيء في أداء الواجبات أو يتأخر في القيام بشيء ما. فمن المعروف أن في العرس تتزين فيه النساء ولكن المرأة العمشة تحتاج وقت طويل كي تتكحل وتتزين.
• شرقه بريقك، توريك عدوك من صديقك.
• يعني: أنك لا تعرف صديقك الحقيقي والذي يخاف عليك إلا عند الشدة ومواقف الحياة أو الموت.
• الملدوغ يتخايل الحبل.
• يعني: أن الذي سبق وأن مر بتجربة لدغ من ثعبان تتراءى له الحبال ثعابين وأفاعي لذلك فهو شديد الحذر حتى لا يقع في نفس المأزق.
• لصحاب ولت معارف.
• يضرب في تغير الحال وتبدل المشاعر، والتنكر لعلاقة الأخوة والصحبة.
• على قيس فراشك مد رجليك.
• يضرب المثل عندما يرى الناس أحد يتعدى في إنفاقه مدى قدرته المالية المعتادة تقال من باب العتاب الشفقة عليه.

أمثال شعبية ليبية عن المرأة

• اربايه البنت على أمها.
• البنات سلعة ذل.
• عليك ببنات الأصول راهو الزمان أيطول.
• اكفي البرمه على فمها والبنت تطلع لأمها.
• ما تجبد البمبوك غير الشينه.. اما الغزيل ما يدرق عينه.
• اللي عنده البنات عنده الهم بالحفنات.
• فزعة البنت عياط.
• البايره لا حرت فيها حوش بوها أولى بيها.
• الزيتونة وقت الحاجة تعطيك.. والبنت الأصول وقت الشدة ما تخليك.
• البيت معمور ومولاته اتدور.
• تجملت الفرطاسه برأس مرت خوها.
• المطلقة ما توريها حوش هلها.
• اهلك يبوك هنيه.. وراجلك يبيك قويه.. وعيلة راجلك يبوك سخيه.
• البنت اتجيب من عمتها لو كان من كعبتها.
• مركب الضراير سارت ومركب السلايف حارت.
• من كبر بختي جت كنتي بنت أختي.
• في اللبس زوجة من.. وفي الشرف بنت من.
• اللي خلف البنات ما مات.
• تعاركت الأم وبنتها فرح العدو من هباله.

أمثال شعبية ليبية عن الرجال

• زي السردوك ما ينقب كان عين خوه.
• شكواك للأجواد طلبه.
• احسبني كيف خوك، وعاملني كيف عدوك.
• اللي يكثر ماله يكثر هباله.
• مكتوب ع وراق التفاح رزق الشاقي يأخذه المرتاح.
• اللي تغدى خوك تعشاك.
• الذوقة اتدير الصاحب والي ما يدوق ما يدير اصحاب.
• الصاحب على الصاحب يبيع عباته وان صاحبي كلمة وفاء كادت.
• عاشر يا معاشر لابد من فراقك.
• خود بنت عمك تصبر على همك.
• انسيب ولابن عم قريب.
• اللي مش خاطره في الزواج يخطب المحصنات.
• طبعي طبعي ولو انقص صبعي.
• اللي ضرباته أمه راحت فيه.
• ما زال الخال في خير لين يكبر له ولد أخته.
• خوك من والاك مش من رضع معاك.
• الراجل بكلمته ينقاس، وولد الحلال عمره ما يلعب ببنات الناس، وبنت العيله مايغرها مال ولا لباس، الفاهم يفهم والكلام مقياس.
• العريس يعرس والمشوم يتهرس.
• اللي عقبه خوه ما ذل رزق خو عند خوه.
• اللي ما يحك جلده بيده ما يحكهوله عبيده.
• الصاحب اللي ما يود، العدو خير منه.

أمثال شعبية ليبية مضحكة

• اللي فاته الكلام يقول سمعت، واللي فاته الطعام يقول شبعت.
• براح وحماره راح.
• العمشة في دار العميان يسموها كحيلة الأعيان.
• يا جاي من غير عزومة.. يا بايت من غير فراش.
• البصلة عمرها ما تولي تفاحة.
• في ركني ويعاركني.
• عميه اتقود في مجنونه.
• النعجة الطائشة من سعد الذيب.
• اضرب الطقوس تستاذب العروس.
• واحد فقره محاديه وواحد سعده يخدم عليه، واحد زلته مغفورة وواحد زلته فوق النخل منشورة.
• اللي مرته قصيرة يفرح و يقول اصغيرة.
• من شوق الشيح سمى ابنته شيحه.
• العين بدرية والخشم ما زوزي.
• عميه وشدت خانب.
• كانت تشخر زادت بف.
• درتها بايديك حلها بسنونك.
• صغار الشيابين يعيشوا مهملين.
• مشكاي أطرش ومتشرب ريح.
• قاله وين أمك؟ قاله ترحي بالكرى، واعشاكم؟ قاله نكروا عليه.
• قرد موالف ولا غزال شرود.
• ماتت الحمارة وانقطعت الزيارة.
• تقضي في قضيتها واتمن على جارتها.
• رافع القصعة وما يعرفش حوش العرس وين.
• ولدها في غمرها وتدور فيه.
• يلعن بو السلطان في غيبته.
• الشوارب تبوس.. والقلب فيه السوس.
• قاله يا بوي خود لي امراء قاله كان دام هالحال حتى أمك انطلقوها.
• الخميرة قبت والعجينة انكبت.
• يا مبركك يا مرت بوي لوله تضربني وتعطيني نأكل.
• مهبوله وزغرتوا في ودنها.
• شكرناه بات عندنا.

في ختام هذا المقال، أدعوكم أيها القراء الكرام إلى مشاركتنا بأمثالكم الشعبية الليبية المفضلة، أو قصصكم المرتبطة بها. يمكنكم ترك تعليقاتكم واقتراحاتكم في أسفل المقال. فبالتعاون يمكننا أن نبني قاعدة بيانات شاملة للأمثال الليبية، ونحافظ على هذا الكنز الثقافي الثمين.

إعلان